دليل رواتب مصر

لأن ده الواقع. مصر مفيهاش دليل رواتب منشور من شركة توظيف (كل الأدلة دي بتغطي الخليج)، والموجود منصات بيانات مُبلَّغة ذاتيًا بتختلف من مرتين لست مرات على نفس المسمى. لو جمعناهم في رقم واحد هنبقى اخترعنا اتفاق مش موجود — فبنعرض كل مصدر برقمه وحجم عيّنته وتاريخه، وانت تحكم.

كل رقم اتقرا من صفحة علنية بالاسم والرابط والتاريخ المكتوب جنبه. الأنواع: مسح أصحاب عمل، مواقع توظيف، بيانات مُبلَّغة ذاتيًا، تقديرات جهات (مش مسح)، وإحصاء رسمي — وكل قراءة مكتوب عليها نوعها عشان تعرف وزنها.

لأن مالقيناش لها مصدر نقدر نقراه. الوظيفة اللي مالهاش مصدر أصلًا بتلاقيها مكتوبة في قايمة «وظايف دوّرنا عليها ومالقيناش لها مصدر» مع السبب، والمستوى الناقص مكتوب عليه «لا توجد بيانات كافية». الفاضي هنا مقصود.

أغلبها إجمالي، وتقدر تحوّل العرض لصافي الموظف أو تكلفة الشركة بنفس معادلة محرك مرتبات نِظام. بس فيه مصادر بتنشر «صافي» أصلًا (زي مسح رواتب التقنية) — دي بتفضل زي ما هي وعليها علامة، لأن تحويلها لإجمالي معناه اختراع رقم المصدر مانشرهوش.

اعتبره نقطة بداية للتفاوض مش تسعيرة. حجم الشركة والقطاع والموقع والعمولة بيغيّروا الرقم كتير، وبيانات بعض الوظايف — خصوصًا المصانع والمقاولات — ضعيفة جدًا وإحنا قلنا كده على كل بطاقة.