إيه اللي جوّه الشيت
سبع صفحات. بتكتب في الخانات الصفرا بس، وكل الباقي معادلات بتتحسب لوحدها.
1.لوحة الشهر
أول صفحة بتفتح: صافي المرتبات، والتكلفة الكلية على الشركة، وعدد الموظفين، والمطلوب سداده للتأمينات، وضريبة كسب العمل، والإضافي، ورسم «كل جنيه بتدفعه الشركة في المرتبات رايح فين».
2.الإعدادات
اسم الشركة والشهر، وعدد الأيام في حساب أجر اليوم وساعات اليوم، وتحسب التأمينات والضريبة ولا لأ، وحدود الأجر التأميني ونسبه، والإعفاء الشخصي، ومعاملات الإضافي. كل رقم جنبه مصدره من القانون.
3.الموظفين
البيانات الثابتة لحد 100 موظف: الكود والاسم والوظيفة، والأجر الأساسي، والبدلات الثابتة، والحافز الثابت، والأجر التأميني لو مختلف عن المرتب. بتتكتب مرة واحدة.
4.متغيرات الشهر
أيام الغياب، والإجازة بدون أجر، ودقايق التأخير، وساعات الإضافي النهاري والليلي ويوم الراحة، والمكافأة، والجزاءات بالأيام، وقسط السلفة، والخصومات التانية. دي اللي بتتغير كل شهر.
5.الكشف
كشف مرتبات بصف لكل موظف: خصم الغياب والتأخير، والإضافي، والإجمالي المستحق، والأجر التأميني وتأمينات الموظف، ووعاء الضريبة والضريبة، والجزاءات والسلفة، والصافي، وتأمينات الشركة، وتكلفة الموظف على الشركة. وتحته الإجمالي وملخص الشهر.
6.القسيمة
اختار كود الموظف، تطلع قسيمته جاهزة للطباعة على ورقة A4: الاستحقاقات والاستقطاعات والصافي، وحصة الشركة في التأمينات، ومكان توقيع الموظف والمحاسب.
7.الضريبة
جدول شرايح القانون 7 لسنة 2024، وحدود الـ600 ألف اللي بتشيل الشرايح الدنيا، والحساب خطوة بخطوة للموظف اللي اخترته في القسيمة.
التأمينات على الأجر التأميني، مش على المرتب كله
الشيت جاي متعبّي بشهر مثال: 7 موظفين في شركة تجريبية في أكتوبر 2026. اكتب موظفينك مكانهم.
واحدة منهم أساسيها 15,000 وبدلاتها الثابتة 5,000، يعني 20,000 في الشهر. الحد الأقصى للأجر التأميني 16,700، فالشيت حسب التأمينات كده:
- تأمينات الموظفة: 11% من 16,7001,837.00
- ضريبة كسب العمل على 20,000 ناقص التأمينات2,445.10
- الصافي15,717.90
لو التأمينات اتحسبت على العشرين ألف كلها كانت هتطلع 2,200 بدل 1,837، وده من أكتر الغلطات اللي بتعدّي في الحساب بالإيد. وموظف تاني في نفس الشهر مرتبه 75,000، صافي دخله في السنة عدّى 800 ألف، فالشيت شال أول تلات شرايح زي ما القانون بيقول، وطلعت ضريبته 16,624.08 في الشهر. والحساب ده كله مكتوب سطر بسطر في صفحة «الضريبة».
وملخص الشهر المثال:
| صافي المرتبات | 142,490.35 |
| المطلوب سداده للتأمينات (الموظفين والشركة) | 25,466.00 |
| ضريبة كسب العمل | 31,866.65 |
| التكلفة الكلية على الشركة | 201,573.00 |
تستخدمه إزاي
1
اكتب الإعدادات مرة واحدة
اسم الشركة والشهر، وعدد الأيام في حساب أجر اليوم، وساعات اليوم، وهتحسب التأمينات والضريبة ولا لأ. اكتب في الخانات الصفرا بس، وكل الباقي معادلات.
2
اكتب الموظفين
الكود والاسم والوظيفة والأساسي والبدلات الثابتة والحافز، والأجر التأميني لو مختلف عن المرتب.
3
كل شهر اكتب متغيرات الشهر
الغياب والتأخير والإضافي والمكافأة والجزاءات والسلف. الكشف والقسايم ولوحة الشهر بيتحسبوا لوحدهم.
لو تعبت من الكتابة بالإيد، نِظام بيعمل الكشف من البصمة
في الشيت الغياب والتأخير والإضافي بيتكتبوا بالإيد كل شهر. جوّه نِظام الحضور بييجي من جهاز البصمة أو من موبايل الموظف، والغياب والتأخير والإضافي بيتحسبوا منه لوحدهم، والكشف بيتعمل بنفس قواعد الشيت ده، وكل موظف بيشوف قسيمته من حسابه على الموبايل.
أسئلة
- الشيت ده مجاني فعلًا؟
- أيوه. حمّله واستخدمه في شركتك من غير تسجيل ولا إيميل، ومن غير ما تدفع حاجة.
- التأمينات بتتحسب على إيه؟
- على الأجر التأميني. لو سبت خانته فاضية، الشيت بياخد الأساسي والبدلات الثابتة والحافز الثابت. الأجر ده بيتحط بين الحد الأدنى 2,700 والحد الأقصى 16,700 جنيه في الشهر (أرقام 2026، وبتتغير كل يناير، فتقدر تغيّرها في الإعدادات)، وعليه 11% على الموظف بتتخصم من مرتبه و18.75% على الشركة. الغياب والإضافي والمكافأة مابيغيّروش الأجر التأميني.
- ضريبة كسب العمل بتتحسب إزاي؟
- الوعاء الشهري = الإجمالي المستحق ناقص تأمينات الموظف. الشيت بيضربه في 12، ويطرح الإعفاء الشخصي 20,000 جنيه، ويحسب بشرايح القانون 7 لسنة 2024. ولو صافي الدخل السنوي عدّى 600,000 جنيه، الشرايح الدنيا بتتشال زي ما المادة بتقول، وبعدين الضريبة السنوية بتتقسم على 12. صفحة «الضريبة» بتعرض الحساب ده خطوة بخطوة لأي موظف تختاره. والحساب الشهري ده على إن مرتب الشهر بيتكرر طول السنة، والتسوية آخر السنة بتتحسب على الدخل الفعلي.
- أجر اليوم بيتحسب على 26 ولا 30؟
- القانون ماحددش معادلة لأجر اليوم ولا لأجر الساعة. فيه اللي بيقسم الأجر الشهري على 30 (أيام الشهر كلها، لأن الراحة الأسبوعية مدفوعة)، وفيه اللي بيقسم على 26 (أيام الشغل بس). الشيت جاي على 26 زي نِظام، وتقدر تغيّره من خانة «عدد الأيام في حساب أجر اليوم» في صفحة الإعدادات. والغياب والإجازة بدون أجر بيتخصموا بأجر اليوم ده.
- الإضافي بيتحسب إزاي؟
- بتكتب ساعات الإضافي النهاري والليلي وساعات الشغل يوم الراحة. المادة 121 من قانون العمل 14 لسنة 2025 بتقول إن ساعة الإضافي ليها أجر الساعة الأصلي وزيادة لا تقل عن 35% بالنهار و70% بالليل، فالشيت بيحسبها ×1.35 و×1.70، ولو لايحتك بتدي أكتر اكتب الرقم في الإعدادات. والليل في المادة 1 بند 12 «الفترة ما بين غروب الشمس وشروقها». والشغل يوم الراحة ليه «مثل أجره» ويوم بديل، والمادة ماكتبتش معامل بالساعة، فالشيت بيحسبه ×2 (أجره ومثله). أجر الساعة في الشيت = الأجر الشامل على أيام الشهر على ساعات اليوم، ودي طريقة نِظام لأن القانون ماحددش معادلة.
- والجزاءات والسلف؟
- الجزاء بيتكتب بالأيام وبيتحسب على الأجر الأساسي، لأن المادة 143 بتقول إن الخصم للمخالفة الواحدة مايزيدش عن «خمسة أيام من الأجر الأساسي»، ومايتقطعش في الشهر أكتر من أجر خمسة أيام. الشيت بيلوّن الخانة لو كتبت أكتر من 5. وقسط السلفة بيتخصم بعد التأمينات والضريبة والجزاءات، ولو اللي فاضل مش مكفّي، الشيت بياخد اللي يقدر عليه والباقي بيتكتب في الملاحظات «قسط سلفة اتأجل»، فالصافي عمره ما يطلع بالسالب.
- يشيل كام موظف؟
- 100 موظف. بتكتب بياناتهم الثابتة مرة واحدة في صفحة «الموظفين»، وكل شهر بتكتب المتغيرات بس. ولو عايز تحتفظ بكل شهر، احفظ نسخة من الملف باسم الشهر قبل ما تمسح المتغيرات.
- بيشتغل على إيه؟
- معمول ومتراجع على Microsoft Excel، وكل الحسابات معادلات عادية تقدر تشوفها، من غير ماكرو.
- الأرقام دي مضمونة؟
- الشيت اتراجع خانة بخانة على محرك المرتبات في نِظام: 18 حالة اختبار (منها مرتب فوق الحد الأقصى وتحت الحد الأدنى، ودخل فوق 600 ألف وفوق مليون ومتين في السنة، وسلفة أكبر من المرتب) بأربع إعدادات مختلفة، وطلعوا نفس الأرقام بالقرش. ومع كده هو للحساب والتوعية، مش استشارة قانونية ولا ضريبية، ومكتوب ده جوّاه.
عايز تحسب ساعات الإضافي الليلي من البصمة يوم بيوم؟ شيت الحضور والانصراف. ولموظف واحد من غير ملف: حاسبة المرتب الصافي.